Ayiti: Avi inondasyon sou 4 depatman

Pòtoprens, 22 me 2024.- Inite Idwometeyolojik peyi d Ayiti lanse avi inondasyon ak deboulonnay tè sou 4 depatman ki deja anba lapli depi kòmansman semèn nan.

Selon dènye bilten meteyo jounen an, yon move tan ki lokalize sou peyi Kiba enfliyanse kondisyon tan an sou tout rejyon Karayib la. Sitiyasyon sa lakoz gwo lapli ak loray yo sou plizyè depatman.

Pandan sware a, depatman Lwès, Sid, Sant, Latibonit, Nò, Nòdès ak Nòdwès kapab resevwa bon kou lapli.

Poutèt anpil lapli ki deja tonbe e ki ap kontinye tonbe sou peyi a, Inite Idwometeyowolojik lanse avi inondasyon ak glisman teren sou depatman Grandans, Nip, Sid ak Sidès pandan sware a.

Inite Idwometeyolojik peyi d Ayiti ak Direksyon Jeneral Pwoteksyon Sivil, mande tout moun k ap viv nan zòn malè pandye inondasyon, deboulonnay tè ak glismann teren yo rete veyatif epi pran tout prekosyon sekirite moun dwe pran nan moman gwo lapli, loray ak kout van.

-Finisman-

Aucun commentaire trouvé.

Personne n'a encore laissé de commentaire pour cet article !

<