Ayiti: Avi inondasyon pou 9 Depatman

Pòtoprens, 16 avril 2024.- Inite Idwometeyolojik peyi d Ayiti lanse avi inondasyon sou majorite depatman akoz lapli ki deja kòmanse tonbe sou peyi a, ak kantite lapli k ap pare pou tonbe.

Pasaj yon fon fwa nan Direksyon Nòdès peyi Kiba nan koumansman semèn sa a, lakòz kondisyon meteyolojik yo vin plis enstab sou zile Karayib yo.
Fenomèn sila deja lakoz gwo lapli sou plizyè rejyon sitou nan depatman Lwès, Sant, Nip, Nò, Nòdès, Sid, Sidès, Latibonit ak Grandans.

Parapò ak kantite lapli ki gentan tonbe sou depatman sa yo, Inite Idwometeyowolojik lanse yon avi pou inondasyon.

Pou rezon sa a, Inite Idwometeyolojik ak Direksyon Jeneral Pwoteksyon Sivil mande tout moun k ap viv nan zòn ki konn gen inondasyon ak glismann teren pou yo rete veyatif. Toujou aplike konsiy sekirite yo lè gwo lapli, loray ak kout van yo ap pase.

-Finisman-

Aucun commentaire trouvé.

Personne n'a encore laissé de commentaire pour cet article !

<